Nas tabernas das aldeas galegas podíase mercar de todo, desde un quilo de azucre e unha botella de anís, ate un carrete de fío e un anaco de tela; un mandil, ou unhas botas de goma, ou unhas zapatillas de casa para poñer dentro das zocas; un quilo de pan, unha cervexa, un estropaxo de palla, ou un vaso de viño (un chanqueiro).

Nesta nosa taberna virtual, polo de agora humilde, pode vostede adquirir por só 10€ máis gastos de envío o noso primeiro traballo discográfico Requinteiros da Ulla, que consta de 17 pezas do repertorio de Pepe e Marcelino interpretadas procurando a maior fidelidade cos recordos que eles tiñan deses temas.

Se desexa adquirilo, non ten máis que cubri-lo formulario e enviárno-los seus datos. Logo, porémonos en contacto con vostede para confirma-lo pedido, que lle será finalmente remitido contra reembolso.